Gandhi & Srikrishna (Telugu 02.10.2025)

⚛️🪷🌳

గాంధీజీ నాకు కృష్ణుడు లాగా అనిపిస్తాడు, ఇద్దరు ఒక అద్భుతమైన ఆకర్షించే అస్తిత్వం గలవారు, నమ్మశక్యం కాని నిజం గాంధీ & కృష్ణుడు. ఇద్దరిలో నాకు చాలా సారూప్య అంశాలు కనిపించాయి. 

అందరూ కష్టంగా భావించే సత్యవ్రతాన్ని ఇద్దరు సరళంగా పాటించడం అనితరసాధ్యం.

శ్రీకృష్ణుడు భోగిలా కనిపించిన కానీ ఆయన యోగి & బ్రహ్మచారిగా ఉన్నట్లు, గాంధీ కూడా నిగ్రహాన్ని పరీక్షించుకొని బ్రహ్మచారిగా ఉండడం అసామాన్యం.

ఇద్దరు, అటు మహాభారత కురుక్షేత్ర యుద్ధం, ఇటు స్వాతంత్ర సంగ్రామంలో ప్రత్యక్షంగా ఉండి, పరోక్షంగా కనిపించి యావత్తు ప్రజలను ప్రభావితం చేయడం అనేది ఒక అద్భుతం.

కృష్ణుడు మహాభారత యుద్ధాన్ని ఆపగలిగే/వంటి చేత్తో (ముందే) గెలిపించ గల శక్తి సామర్థ్యాలు ఉన్నా రథసారథిగా పాల్గొని యుద్ధం చేయించడం, అలాగే గాంధీ కూడ తన సత్యాగ్రహ అహింస విధానంతో యావత్తు భారతావనిని ఒక తాటిపైకి తెచ్చి, ఆనాటి స్వాతంత్ర్య సమరయోధులందరిని ఏకం చేసి, పిలుపునిచ్చిన సహాయ నిరాకరణ ఉద్యమం సాగుతున్నప్పుడు జరిగిన చౌరీ-చౌరా హింసకాండ మొత్తం బ్రిటిష్ వారిని భయభ్రాంతులను గురిచేసినప్పుడు, "మీరు ఇలాగే కొనసాగించండి" అనే ఒకేఒక్క పిలుపు ఇచ్చుంటే అప్పుడే (ముందే) భారతదేశానికి స్వాతంత్ర్యం వచ్చి ఉండేదని అనిపించింది. కానీ గాంధీ ఆ అవకాశాన్ని తీసుకోలేదు.

కృష్ణుడు పాండవుల పక్షానికి, గాంధీ కాంగ్రెసు పక్షానికి మార్గదర్శకులుగా ఉన్నా, ఆ ప్రభావం సాధారణ ప్రజలందరి మీద పడింది. ఇద్దరూ స్వపక్షాన్ని బాధపెట్టే నిర్ణయాలు తీసుకున్నా, వాటి ఫలితాలు విలక్షణమైనవి. వారి ఇద్దరి విధానాల పట్ల వ్యతిరేకత ఉన్నా వినయంగా స్పందించడం, విజయాన్ని సాధించడంలో త్యాగాన్ని ముందుకు పెట్టడం అనేవి సాధారణ మానవులకు అసాధ్యం అనిపించింది. 

ద్వాపరయుగంలో శ్రీకృష్ణుడు పరమాత్మడు అయినట్లు, ఈ కలియుగంలో గాంధీ మహాత్ముడు అయ్యాడు.

💭⚖️🙂📝@🌳

📖02.10.2025✍️

📸: మైక్రోసాఫ్ట్ కోపైలెట్ సహాయంతో రూపొందించిన చిత్రం